Shqipëria duket se po ndjek tashmë Serbinë në tejkalimin e çdo pengese politike në procesin e vaksinimit. Kështu, siç njofton Rama, do vijnë në ditët pasuese edhe 50 mijë Sputnik.
“Sapo kemi arritur marrëveshjen për të sjellë në Shqipëri 50.000 doza të tjera të vaksinës Sputnik brenda 10 ditëve.
Ne do ta fitojmë këtë luftë me forcën e karakterit e të këmbënguljes sonë dhe do ta lemë shpejt pas tunelin e pandemisë, ku drita e daljes sa vjen e zmadhohet”, shkruan i pari i qeverisë.
Kujtojmë: Shqipëria po vaksinohet masivisht me Sinovac-un kinez, siguruar nga Turqia, ndërsa nga Emiratet u dhuruan më parë 10 mijë doza Sputnik.
Ishte ky hap një tejkalim i pengesave të natyrës politike. Por për rastin më të fundit, nuk sqarohet se nga do vijë kjo sasi vaksinash ruse.
Për Ramën, së paku ai nuk po i merr vaksinat ruse dhe kineze nga vendet e tyre të origjinës. /tesheshi.com/
