Nis sot në Shqipëri viti i ri shkollor 2016-2017. Si çdo vit, atij i paraprin çështja e teksteve të paplota për të gjitha nivelet. Për afro 10 ditë, radhë të gjata u shfaqën ngado nëpër qytetet shqiptare për të siguruar tekstet e nevojshme.
Po ashtu, si gjithnjë kësaj atmosfere nuk i kanë munguan dhe ankesat e stafeve të ndryshme mësimëdhënëse për shkolla me probleme dhe pa komoditetin e duhur për mësimdhënie cilësore.
Por ky vit i ri shkollor po ka si kryefjalë ankthi çështjen e atyre qindra maturantëve të cilët kanë mbetur pa të drejta studimi nga skema e re e përzgjedhjes në kuadër të nisjes së aplikimit të reformës në Arsim.
Ndërsa nivelet ulëta dhe të mesme sot nisin procesin e zakonshëm mësimor, ata qindra që tashmë ndodhen në dyert e universiteteve, janë ende në pritje të hapjes së tyre mes ankthit për ndonjë të pabërë tipike shqiptare që mund t`i linte jashtë, siç dhe po ndodh për momentin, pavarësisht premtimeve qeveritare se “gjithçka do të rregullohet”. /tesheshi.com/
