Pas mjekëve dhe të moshuarve, radhën për t’u vaksunuar në Shqipëri do e kenë stafet arsimore. Kjo u bë e ditur nga ministrja Manastrliu, sipas së cilës, kjo do të ndodhë me ardhjen e sasive të AstraZeneca.
“Jemi në pritje të vijimit të sasisë së radhës të kontratës së Pfizer, do të vijnë 15.210 vaksina.
Do të vijojë vaksinimi dhe presim nga instrumenti i COVAX që të mbërrijnë 14,440 vaksina të AstraZeneca me të cilat do të fillojmë kalendarin e vaksinimit duke pasur prioritet mësuesit në mënyrë që të kemi ecuri të mirë të edukimit të fëmijëve dhe mbrojtjes së mësuesve”, tha ajo në parlament.
Për gruan që drejton shëndetësinë shqiptare këto kohë të vështira pandemike, çfarë po ndodh në Shqipëri, nuk është hiç më ndryshe se ajo çfarë po ndodh kudo në Europë.
“Në botë, virusi ka prekur më shumë se 1140 milionë njerëz dhe ka shkaktuar më shumë se 2 milionë e gjysmë fatalitete. Britania e Madhe vijon të jetë e mbyllur dhe kjo është mbyllja e tretë.
Franca ka gjithashtu masa drastike të mbylljes së bareve e restoranteve dhe ka regjistruar 12 mijë infektime në ditë pavarësisht masave.
Me këtë rast, nuk duhet të kemi iluzionin që virusi po zhduket.
Prezenca e varianteve të reja kushtëzon dhe masat e pandemisë. Ende nuk është verifikuar prezenca, por ne kemi dyshime se variantet e reja qarkullojnë dhe shpejtësia e përhapjes e bën të vështirë edhe kontrollin e pandemisë nëse nuk shoqërohet me bashkëpunimin e çdo qytetari.
Vaksinimi i popullatës është objektivi ynë i përbashkët. Po vaksinojmë çdo ditë dhe me ritëm. Sot kemi më shumë jetë të mbrojtura të mjekëve në spitale ndërkaq që vaksinimi i kombinuar për moshat +80 vjeç po vijon”, tha Manastirliu. /tesheshi.com/
