Ministrja shqiptare e Mbrojtjes, Olta Xhacka njoftoi se trupat ushtarake shqiptare po kthehen në misione ushtarake ndërkombëtare pas pandemisë, dhe se për herë të parë, ushtria shqiptare do të shërbejë brenda forcës së KFOR-it në Kosovë.
Në rrjetin social Facebook, ajo informoo se forcat e armatosura shqiptare ishin angazhuar gjatë pandemisë së virusit koronar dhe se ata vazhduan ushtrimet posaçërisht për trupat e kontigjentëve të rinj që do të shkojnë në misione jashtë vendit muajin tjetër.
“Në kohën e pandemisë, forcat e armatosura shqiptare nuk kanë zvogëluar intensitetin e aktiviteteve të tyre, por janë më të angazhuar se kurrë. Ata po aftësohen për të zbatuar masa në luftën kundër pandemisë dhe sëmundjes COVID-19”, tha Xhacka.
“Ushtrimet po vazhdojnë, veçanërisht për trupat e reja që do të vendosen në misione jashtë vendit dhe që do të funksionojnë nën masa të jashtëzakonshme pandemike.”
Sipas saj, ushtria tokësore do të dërgojë një togë nga batalioni i këmbësorisë që do të shërbejë në misionin e NATO-s në Afganistan.
Për herë të parë, një njësi e operacioneve speciale do të shërbejë brenda KFOR-it në Kosovë, tha shefja e mbrojtjes shqiptare. /tesheshi.com/
