Dy ndër krerët kryesore të shtetit krahas presidentit të Republikës, kryeministri Rama dhe kryeparlamentari Meta, do të udhëtojnë në drejtime të kundërta për vizita zyrtare: i pari drejt lindjes, Azisë e i dyti drejt perëndimit, Amerikës.
Rama do shkojë në Hong-Kong, siç njofton dhe Zyra e tij e Shtypit, për të marrë pjesë në një forum ekonomik mes dy vendeve.
Ndërsa Meta udhëton drejt SHBA, gjithashtu për të marrë pjesë në një forum, kundër terrorizmit, të paktën siç është sqaruar zyrtarisht. Kështu që Shqipëria do të mbetet për ca ditë vetëm me presidentin Nishani.
Sipas Protokollit të Shtetit, nuk lejohet që të tre ta lëshojnë vendin në të njëjtën kohë. /tesheshi.com/
