Qeveria shqiptare e ka parë të udhës të bërë dhuratë një tank nga kontigjenti i saj i armatimit të ushtarak. Dhe këtë ka vendosur ta çojë drejt Jordanisë.
Vendosi: “Dhënien e armatimit, pa shpërblim, Mbretërisë Hashemite të Jordanisë, të hequr nga armatimi dhe përdorimi, i tepërt dhe jashtë nevojave të Forcave të Armatosura të Republikës së Shqipërisë, si kontribut i Këshillit të Ministrave të Republikës së Shqipërisë, në kuadër të bashkëpunimit në fushën e mbrojtjes…”
Vendimi është marrë në mbledhjen e qeverisë së datës 3 shkurt.
Kështu, tanku si mjet i rëndë ushtarak, shënon një tjetër histori interesante shqiptare.
Tanku i Vojo Kushit – Vojo Kushi është një dëshmor komunist, që, guxoi të hidhej mbi tankun armik gjatë një beteje, e të fundit bombë që i kishte mbetur nga armatimi personal, u lëshoi brenda fashistëve që e drejtonin atë duke i hedhur në erë, nën thirrjen “rroftë partia!”
Tanku i Arben Imamit – Gjatë trazirave të vitit 1997, Partia Demokratike akuzoi ish-zyrtarin e lartë të saj, Arben Imami, si njeri që i hipur mbi një tank të rrëmbyer, po udhëhiqte rebelimin komunist në jug të vendit.
Tanku i 14 shtatorit – ky ishte një ndër tanket që u shfaq në bulevardin “Dëshmorët e Kombit”, përgjatë asaj që u konsiderua grusht shteti, ku militantë të PD-së iu vërsulën me armë Kryeministrisë, përgjatë funeralit të të ndjerit Azem Hajdari. /tesheshi.com/
