Më në fund, pas kaq vitesh, Shqipëria ka një kampion bote, aty ku zakonisht ka ndodhur kjo, në peshëngritje.
Është Briken Calja që arriti të rrëmbejë medaljen e arit në kampionatin botëror të peshëngritjes në stilin e shkëputjes.
Shtangisti shkodran garoi në peshën 73 kilogramë të baterisë A, ku ngriti në provën finale peshën 156 kilogramë duke lënë pas rivalin e tij tajlandez me 2 kilogramë më shumë.
Sa i përket stilit të shtytjes, Calja u rendit i dyti në botë pas rivalit indonezian. Ndërsa në finale të dygarëshit, indoneziani triumfoi me vetëm një kilogram më shumë.
Ndërsa shkodrani tjetër, Erkand Qerimaj, në stilin e shkëputjes doli i katërti në botë duke ngritur 153 kilogramë, ndërsa në stilin e shtytjes e mbylli garën me 180 kilogramë duke u renditur i katërti. /tesheshi.com/
