Ish-kryeministri i Malit të Zi, shqiptari Dritan Abazoviç, u nderua me çmimin “Shqiponja e Artë” në Tiranë, në një ceremoni të organizuar në përkujtim të Ditës së Arbëreshëve.
Abazoviç tha se ky çmim duhet të jetë simbol bashkëpunimi dhe dashurie mes shqiptarëve në mbarë botën.
“Kur kemi vendosur për herë të parë për mbledhjen e përbashkët të qeverive të Shqipërisë dhe Malit të Zi dhe propozimi ynë ka qenë si të bëhet një shqiponjë, dhe ajo shqiponjë mund të jetë edhe e artë”, tha ai, duke shtuar:
“Shqiponja e artë, dy vendet i bashkon dhe krijon një urë bashkëpunimi. Shpresoj që shqiponja e artë dhe shqiponja e kombit do të jetë simbol i dashurisë, bashkëpunimit dhe ardhmërisë mes gjithë shqiptarëve në BE”, tha Abazoviç. /tesheshi.com/
