Shqipëria: Nën sulme masive kibernetike

Agjencia Kombëtare e Shoqërisë së Informacionit thotë se faqet qeveritare dhe ato publike janë gjendur ditët e fundit nën sulme masive kibernetike (DDoS), të cilat synojnë bllokimin e rrjetit rrjetin me tentativa ilegjitime aksesimi.

Megjithatë, sipas AKSHI, se situata është rikthyer në normalitet dhe faqet qeveritare janë sërish në funksion të plotë.

Agjencia Kombëtare e Shoqërisë së Informacionit informon opinionin publik se sulme të tilla nuk kanë asnjë lidhje me sigurinë e sistemeve dhe të dhënave në to, por vetëm me bllokimin e faqeve publike, sipas deklaratës zyrtare.

“Informojmë opinionin publik se aktualisht gjendemi nën sulme masive, të shpërndara të formatit ‘Distributed Denial-of-Service’ (DDoS) duke bllokuar rrjetin me tentativa ilegjitime aksesimi të faqeve publike.

Situata është rikthyer në normalitet pas rreth 60 minutash dhe faqet qeveritare janë sërish në funksion të plotë. Theksojmë se sulme të tilla nuk kanë asnjë lidhje me sigurinë e sistemeve dhe të dhënave në to, por vetëm me bllokimin e faqeve publike.

Prej kohësh Shqipëria ka qenë nën vëmendjen maksimale të sulmuesve dhe keqbërësve kibernetikë.

Siguria kibernetike dhe e informacionit është një nga sfidat më të mëdha në epokën digjitale. Identifikimi në kohë i kërcënimeve, reagimi i shpejtë, dhe forcimi i sigurisë është një proces kompleks i cili kërkon vëmendjen e duhur dhe marrje masash të përshtatura sipas kohës dhe mënyrës së sulmeve, rast pas rasti”, thuhet në një deklaratë sqaruese për opinionin publik. /tesheshi.com/