Kualifikimi i kombëtares shqiptare për në ‘Francë 2016’ sigurisht nuk do kalonte edhe pa batutat e shumta në rrjetet sociale. Në disa prej tyre, figurat politika të Shqipërisë janë bër “hit”, deri sa nuk mungojnë as thumbimet për rivalët e Serbisë dhe të tjera të ekzagjeruara, deri te fitimi i kampionatit europian.
“Në vetëm 3 ditë, bëm të mundur Rilindjen e kombëtares duke fituar në Armeni. Pas fitores së moralit dhe qytetarisë ndaj Serbisë”, është një nga batutat e shumta që kanë vajtur me kryeministrin e Shqipërisë, Edi Rama.
“Shqipëria në EURO 2016. Greqia dhe Serbia do na dëgjojnë himnin nga TV-ja”, është një tjetër nga batutat e shumta, drejtuar fqinjëve të shqiptarëve.
Në një tjetër postim thuhet: “Ftohen të gjithë shqiptarët të kontribojnë me lekë, për blerjen e një televizori që Vuçiç (kryeministri i Serbisë) ta ndjek Shqipërinë nga ekrani”.
/tesheshi.com/
