Presidenti Meta ka planifikuar nisjen e takimeve konsultative me përfaqësues nga parti opozitare, me idenë e caktimit të një date të re zgjedhjesh, pas anullimit të një anshëm e plot pikëpyetje kushtetuese, të 30 qershorit, dekretuar muaj më parë nga vetë ai.
Takimet do të nisin në orët e mbrëmjes, por me gjasë, në to nuk do përfshihet mazhoranca, e cila vijon të qëndrojë te 30 qershori.
Më herët, Meta tha se le të ishin vetë palët ato që do caktonin një datë zgjedhjesh.
Nëse kreu i shtetit vijon me këtë praktikë, rrezikon krijimi i një shteti paralel, pasi do ekzistonte një tjetër datë zgjedhjesh, por vetëm e opozitës e presidetit, gjithnjë nëse caktohet pa dakortësi nga mazhoranca. /tesheshi.com/
