Shqipëria ka shënuar një rekord alla kinez në dinamikën e infektimeve në 24 orë, duke shënuar një rënie drastike në dy javë, me vetëm 6 sosh.
Ishte Silva Bino nga Instituti i Shëndetit Publik, ajo e cila dha detajet duke thënë se “në 24 orët e fundit janë testuar 182 persona të dyshuar, prej të cilëve janë konfirmuar 6 raste të reja me COVID-19”.
Më tej, ajo ofroi shifrat e tjera:
“Deri në këto momente janë testuar 2753 raste të dyshuara dhe prej tyre janë të konfirmuar pozitivë me COVID-19, 383 raste.
Betejën me këtë sëmundje e kanë humbur deri tani 22 qytetarë, megjithë përpjekjet e jashtëzakonshme të personelit shëndetësor.
Gjatë 24 orëve të fundit, 15 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 131″ /tesheshi.com/
