Ka befasuar Kruja në 24 orët e fundit të dinamikës së infeksionit koronar në Shqipëri, pasi e shfaqur frikshëm si një vatër e nxehtë, është zhdukur sakaq duke patur zero infektimve. Gjithnjë, në kuadër të 24 orëve.
E ndërkaq, Tirana me zero raste para tre ditësh, është rikthyer me infeksione të reja. Ndërsa Shkodra, e shfaqur po aq frikshëm sa Kruja ditë më parë, prej ditësh po shfaqet me raste minimale, pra me situatë tejet të përmisuar.
Nga ana tjetër, jugu i vendit, nga Mallakastra e poshtë, vijon të mbetet i pastër, pa asnjë rast infektimi.
Nga një ditë më parë, numri i infektimeve është përgjysmuar, duke patur vetëm 15 raste të reja, si dhe 9 të shëruar.
Dr. Eugena Tomini nga Instituti i Shëndetit Publik, ofroi detajet:
“Gjatë 24 orëve të fundit janë testuar 259 persona të dyshuar me COVID-19. Nga totali i rasteve të dyshuara janë testuar 36 personel shëndetësor, të cilët kanë rezultuar negativë për Sars-Cov2.
Nga rezultatet e testimeve janë konfirmuar 15 raste pozitive me COVID19.
Nga totali i rasteve të reja 9 raste janë në Tiranë, të gjitha kontakte të rasteve të mëparshme, 2 raste janë në Mirditë, 1 në Shkodër, 1 në Kukës, 1 në Has dhe 1 në Kurbin.
Deri në këto momente janë testuar 6768 raste të dyshuara dhe prej tyre janë të konfirmuar pozitivë me COVID-19, 678 raste, pra rreth 10% e totalit të rasteve të testuara.
Gjatë 24 orëve të fundit, 9 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 394 ose 58.1% e totalit të të prekurve.
Aktualisht në vendin tonë 257 ose 41.9% e totalit të të prekurve janë persona aktivë me COVID19 dhe siç shihet përqindja e të shëruarve është më e lartë. Kjo tendencë tashmë vazhdon të jetë e qëndrueshme”. /tesheshi.com/
