Ka pësuar tjetër ngritje numri i të infektuarve në Shqipëri, duke kaluar shifrën 20, edhe pse deklarohet se epidemia po mbahet nën kontroll. Gjithsesi, hartës i shtuar së fundi dhe Mallakastra me një rast të infektuar.
Në deklaratën e përditshme të autoriteteve shëndetësore, u tha se “dje janë testuar 269 persona të dyshuar me COVID-19, mes tyre 53 janë personel shëndetësor.
Nga rezultatet e testimeve janë konfirmuar 24 raste pozitive me COVID19, prej të cilëve 6 janë personel shëndetësor.
Nga rastet e reja 12 i përkasin Shkodrës, dhe kemi 3 raste në Tiranë, 3 raste në Kukës, 3 raste në Fier, 1 rast në Korçë, 1 rast në Kavajë, dhe hartës i shtohet Mallakastra me 1 rast.
Deri në këto momente janë testuar 4827 raste të dyshuara dhe prej tyre janë të konfirmuar pozitivë me COVID-19, 518 raste”.
Nga ana tjetër, ministrja Manastirliu ofron një fakt pozitiv gjatë një fjalimi në parlament.
“Sot Shqipëria raporton 518 persona të prekur me koronavirus. Numri i të shëruarve është më shumë se të infektuarit aktiv. Kemi arritur të sheshojmë kurbën epidemike”, tha gruaja në krye të shëndetësisë shqiptare. /tesheshi.com/
