Një raporti i Bankës Botërore i titulluar “Plakja e artë”, sjell lajme jo të mirë për shqiptarët e Shqipërisë, ku vihet re fakti se popullsia po shkon drejt plakjes.
Sipas raportit, në vitin 1970, në Shqipëri lindnin mesatarisht 5 fëmijë për një grua. Por në vitin 2012, kjo shifër ka zbritur poshtë normës së zëvendësimit të popullsisë, që është nën 2 fëmijë për grua.
Raporti vëren se kjo është rënia e tretë më e shpejtë e lindshmërisë që është regjistruar ndonjëherë në historinë botërore, pas Republikës së Koresë dhe Rusisë.
Kjo plakje e popullsisë, llogaritet të ketë pasoja jo të vogla për ekonominë, pasi rrudhen të ardhurat nga taksat dhe rriten shpenzimet për pensione.
Por tej kësaj është dhe ulja e forcës punëtore dhe popullsisë aktive që kontribuon në rritjen e prodhimit.
Në rajon, fenomenin e plakjes së popullsisë më të rëndë e ka Serbia, e cila shkon deri atje sa të paguajë një shumë të caktuar parash për atë çift që lind fëmijë.
Ndërkohë që plakja është dhe një fenomen europian, pasi siç dihet, prej vitesh ka një rënie të lindshmërisë në Perëndim, gjë që çon më pas dhe në projekte të kamulfuara për thithjen e forcës punëtore nga vendet e Lindjes në krizë. /tesheshi.com/
