Shqipëria i kërkon Kubës komuniste që të njohë Kosovën.
Ka ndodhur kjo gjatë një takimi të kreut të Kuvendit Gramoz Ruçi, me ambasadoren kubaneze në Tiranë, Caidad Yaira Cueto Milian, e cila sapo ka nisur misionin e saj diplomatik në kryeqytetin shqiptar.
Zyra e Shtypit e kryeparlamentarit shqiptar, bën me dijë se Ruçci theksoi interesin e Shqipërisë për zgjerimin e marrëdhënieve dypalëshe, përmes nxitjes së procesit të konsultimeve politike dhe bashkëpunimit në fushat e ekonomisë, shkëmbimeve tregtare, turizmit, kulturës etj.
Gjithashtu, raportohet se Ruçi kërkoi mbështetjen e Kubës për kandidaturën e Shqipërisë në Këshillin e Sigurimit të OKB-së, për vitet 2022-2023, si dhe që Havana të rishikojë qëndrimin e saj dhe të njohë Republikën e Kosovës si edhe të mbështesë anëtarësimin e saj në organizatatat ndërkombëtare.
Ambasadorja Caidad Yaira Cueto Milian shprehu dëshirën e qeverisë së Kubës për zgjerimine marrëdhënieve me Shqipërinë dhe premtoi mbështetjen e vendit të vet për kandidaturën e Shqipërisë në Këshillin e Sigurimit të OKB-së, për vitet 2022-2023.
Ambasadorja Milian u shpreh se çështjen e njohjes së Kosvës do t’ia paraqesë qeverisë së Kubës, thuhet në njoftimin zyrtar. /tesheshi.com/
