Shqipëria hap më në fund portat e saj për Sputnik V, jo nga Rusia po nga Emiratet e Bashkuara Arabe.
“Mbërrijnë 10.000 vaksina Sputnik, dhuratë nga Princi i Kurorës së Emirateve të Bashkuara, miku i çmuar Muhammed Bin Zayed.
Së shpejti shuma të konsiderueshme vaksinash të tjera do të pasojnë, duke na krijuar mundësinë të rrisim fuqishëm numrat e vaksinimeve ditore, për të dalë së shpejti nga tuneli i gjatë i kësaj lufte të egër!”, njoftohet zyrtarisht nga Ministria e Shëndetësië.
Eshtë ky një zhvillim i papritur, pasi më herët, qeveria shqiptare refuzoi edhe një ofertë dhuruese Sputnik-u bërë nga vetë Rusia.
Argument për të ka qenë mosaprovimi ende nga EMA. Por tani që dhe vetë Gjermania, si lider në BE, pret të marrë Sputnik në një krizë vaksinimi, Shqipëria ka vendosur të mos jetë dhe aq europiane. /tesheshi.com/
