Qeveria vendosi heqjen e vizave për qytetarët e pesë shteteve që do të vizitojnë Shqipërinë për arsye turistike, dy nga Azia e largët e tre nga vendet e Gjirit arab.
Sipas vendimit të qeverisë, qytetarët e shteteve që do të hyjnë pa viza në Shqipëri janë nga Arabia Saudite, Katari, Oman, Tajlandë dhe Indonezi.
Këta shtetas do të hyjnë në Shqipëri pa vizë për motive turistike dhe me dokumentin “pasaportë” për një periudhë të kufizuar, nga data 15 prill deri më 31 dhjetor 2025.
Për zbatimin e këtij vendimi ngarkohen Ministria për Evropën dhe Punët e Jashtme dhe Ministria e Brendshme.
Ky vendim hyn në fuqi pas botimit në “Fletoren zyrtare”. /tesheshi.com/
