Kryeministri Edi Rama komenton nga New York-u, ku ndohet për vizitë, situatën e krijuar e post-përmbytjeve në vend, të krijuar si pasojë e motit të keq. Në një postim në rrjetin social facebook, ai vlerëson punën e Shtabit të Emergjencave Civile, të cilët prej ditës së djeshme kanë nisur punën për tu ardhur në ndihmë familjeve të prekura. “Përballje e mirëorganizuar me pasojat e motit dhe Solidaritet me njerëzit në nevojë”, shkruan Rama në profilin e tij.
Gjatë ditës së sotme rreth 200 forca ushtrie ju bashkuan operacionit për përmirësimin e kushteve të krijuara nga përmbytjet në Lezhë. Ndërkohë, gjatë ditës së djeshme ministri i Brendshëm, Saimir Tahiri ishte i pranishëm në shpërndarjen e ndihmave në njësinë nr. 11 në Tiranë, ku banorët morën batanije dhe ushqime.
Vërshimi i ujit shkaktoi probleme të shumta kryesisht në zonat rurale në Tiranë, Vlorë, Durrës, Shkodër e Gjirokastër. Po ashtu, mijëra familje mbetën në errësirë të plotë, sepse dhjetëra fidra të përcjelljes së energjisë elektrike u dëmtuan nga era e fortë.
/tesheshi.com
