Është bërë tashmë traditë që fill pas nisjes së çdo viti, të shihet se ç`është fëmija e parë që lind. Kjo bën që deri dhe krerë shtetesh të rendin drejt marteniteteve për t’u takuar më nënën e për të “bekuar” institucionalisht të sapolindurin e 1 janarit.
Kështu, këtë vit Shqipëria e ka nisur me një vajzë e cila ka ardhur në jetë 5 minuta pas mesnate, në maternitetin “Mbretëresha Geraldinë”.
Foshnja quhet Ambla Shahu dhe është fëmija i parë i 25-vjeçares, Iselva Shahu.
Adetin shtetëror e kreu kryebashkiaku i Tiranës, Erion Veliaj, i cili dorëzoi nënës së re një çekun 5-mijë lekësh, duke premtuar dhe kthimin e kesaj tradite, pra që për çdo foshnje të sapolindur, të dhurohet një shumë e tillë. /tesheshi.com/
