Ministri i Drejtësisë i Serbisë, Nikola Selakovic, ka deklaruar ditën e sotme se Serbia nuk do ta tolerojë krijimin e Shqipërisë së madhe. Reagimi i ministrit serb, i cili duket i trembur nga një Shqipëri e madhe, ka ardhur një ditë pas mbledhjes në Tiranë të Qeverisë së Shqipërisë dhe Qeverisë së Kosovës.
Sipas tij, Europa duhet ta kundërshtojë një gjë të tillë, për të cilën Serbia nuk do të rrijë aspak në qetësi. “Serbia nuk mundet dhe nuk do të rrijë e qetë ndaj krijimit të Shqipërisë së madhe dhe Bashkimi Europian duhet ta kundërshtojë një gjë të tillë”,- ka thënë ministri Selakovic. Deklarata e tij vjen fill pas nënshkrimit të 11 marrëveshjeve bashkëpunimi ditën e djeshme në Tiranë mes Kryeministrit të Kosovës, Isa Mustafa dhe Kryeministrit të Shqipërisë Edi Rama, ku ky i fundit u shpreh se këto marrëveshje çojnë drejt një unifikimi ndërkombëtar dhe hapin rrugën drejt Bashkimit Europian të dy vendeve.
Selakovic u shpreh se po mundohet që Serbia të mbajë marrëdhënie sa më të mira me Shqipërinë, duke shtuar se “serbët dhe shqiptarët e Kosovës në Metohija jetojnë në paqe”, ndërsa përsëriti se Serbia nuk do të jetë e qetë në lidhje me Shqipërinë e madhe./tesheshi.com/
