Shqipëria morri tre pikë të vlefshme duke përforcuar edhe më shumë vendin e 3-të në grupin G në ndeshjet kualifikuese për Botërorin-“Rusia 2018”.
Kuqezinjtë fituan 2-0 në përballjen me Lihteshtejnin, takim që u zhvillua në stadiumin “Elbasan Arena”.
Golat për kombëtaren shqiptare, e cila shpërdoroi shumë raste shënimi, u realizuan në pjesën e dytë të takimit nga Odise Roshi (54-të) dhe Ansi Agolli (78-të).
Kjo ishte ndeshja e parë zyrtare për italianin Christian Panucci në stolin e kuqezinjve.
Shqipëria renditet në vend të tretë me 12 pikë, kurse Lihteshtejni i gjashti pa asnjë pike. Takimin e ardhshëm, kuqezinjtë do e luajnë në Strumicë më 5 shtator, ku do të përballen me Maqedoninë.
Shqipëria-Lihteshtejni 2:0
Stadiumi “Arena Elbasan”, Elbasan.
Shikues: 5.000.
Gjyqtar: S. Lapochkin (Rusia).
Shënues: Roshi (54′), Agolli (78′).
Kartonat e verdhë: Malin, Quintans, Kaufmann, Buchel.
Shqipëria: Berisha, Hysaj, Mavraj, Ajeti, Agolli, Abrashi (Hyka 83′), Basha, Memushaj (Kukeli 76′), Grezda (Ahmedi 86′), Llullaku dhe Roshi.
Lihteshtejni: Jehle, Quintans (Yildis 79′), Malin, Kaufmann, Goppel, Buchel, Salanoviq, Hasler, Ëieser, Burgmeier (Brandle 79′) dhe Frick (Erne 65′). /tesheshi.com/
