Qyteti i Shkodrës prej orëve të para të mëngjesit është blinduar nga forca të shumta policie, në kuadër të masave për ndeshjen Shqipëri-Itali, që do të luhet në “Loro Boriçi”.
Disa qindra punonjës të policisë, përfshi këtu edhe repartet special, agjentë dhe punonjës të shërbimeve sekrete janë angazhuar në terren për të garantuar rendin dhe qetësinë, si dhe për të shmangur incidentet e mundshme.
Në qytet janë parë policë të maskuar dhe me automatic, që i përkasin forcave special, si dhe atyre të anti-terrorit. Nga orët e paradites në rrugët kryesore nuk lejohej parkimi i mjeteve, ndërkohë që qarkullimi u bllokua nga mesdita.
Tifozët ishin njoftuar për të hyrë në stadium prej orës 17:00, ndërsa masat e rrepta dhe kontrollet e shumta kanë shkaktuar rradhë të gjata. Ndërkohë në stadium parashikohen të jenë rreth 1000 tifozë italianë, ndërsa pjesa tjetër janë mbështetësit e kuqezinjve, të cilët kanë ardhur edhe nga Kosova dhe Maqedonia. /tesheshi.com/
