Në Kavajë u protestua për vdekjen me vetëvarrje të të riut Ilvi Meta, ndodhur në qelitë e Komisariatit të atyshëm. Në krye qe Berisha, i cili akuzoi qeverinë për rastin.
Por për koiçidencë, për një rast akoma më të rëndë është protestuar në Gjermani.
Qindra qytetarë u mblodhën sot në kryeqytetin Berlin për të protestuar kundër dhunës së policisë në vend.
Protesta u mbajt në lagjen Kreuzberg në sheshin Oranien, nga ku protestuesit thanë se rasti i fundit i brutalitetit të policisë në Mannheim nuk ishte një rast i izoluar në Gjermani.
Shkak i protestës së sotme u bë vdekja e Ante Paponja, 47-vjeçarit që humbi jetën pasi u rrah nga policia gjermane më 2 maj në Mannheim.
“Ti nuk je polici”, “Nuk je shok, nuk je ndihmës” dhe “Në kujtim të viktimave të dhunës raciste policore” ishin disa nga mesazhet në pankarta.
Protestuesit kërkuan zbardhjen e plotë të incidentit në Mannheim dhe përfundimin e rasteve të tilla.
Organizatorët e protestës theksuan se të paktën 200 njerëz kanë vdekur nga dhuna e policisë në Gjermani në 30 vitet e fundit. Ata thanë se nuk i besonin policisë gjermane. /tesheshi.com/
