Cianid hidrogjeni u përdor nga nazistët për të vrarë hebrenj në Auschwitz, dhe tani e njëjta metodë do të përdoret nga një burg afër Phoenix, Arizona.
Ata shpenzuan rreth 2,000 dollarë për të pwërshtatur dhomën e vdekjes dhe për të ekzekutuar të burgosurit me një metodë të përdorur nga nazistët në Luftën e Dytë Botërore në kampin famëkeq të vdekjes në Auschwitz.
Komuniteti hebre reagoi ashpër ndaj kësaj.
“Nuk ka rëndësi këtu nëse dikush mbështet dënimin me vdekje apo jo, kjo është një mënyrë ekzekutimi. Ekziston një mendim dhe qëndrim i përgjithshëm në shoqërinë amerikane se gazi që ata përdorën për të vrarë hebrenj nuk ka vend në sistemin e ekzekutimit,” tha komuniteti hebre amerikan.
Kujtohet se askush në Amerikë nuk është ekzekutuar me gaz për më shumë se 20 vjet.
I fundit ishte Walter LaGrand, i cili u ekzekutua në 1999. Vrasësi i dënuar vdiq 18 minuta më vonë, duke u mbytur i lidhur për një karrige në burgun federal në Arizona. Ekzekutimi i tij u përshkrua nga dëshmitarët.
“Dhoma heshti kur ata lëshuan gazin. Ai kolliti dy, tre herë dhe filloi të dridhej. Duart e tij ishin plotësisht të kuqe,” raportuan gazetat lokale pas ekzekutimit.
Pas kësaj, asnjë i burgosur në Amerikë nuk u ekzekutua me gaz. Sot, burgjet amerikane po kërkojnë mënyra të tjera ekzekutimi, pas mungesës së injeksioneve vdekjeprurëse. Në Utah, të dënuarit ekzekutohen nga një skuadër pushkatimi dhe Tenesi planifikon të kthejë karrigen elektrike.
Dhe burgu në Arizona modernizoi dhomën e vdekjes; ata ndryshuan dyert dhe dritaret, rivendosën vulat prej gome dhe siguruan përbërës për cianur hidrogjeni.
Në Arizona, të dënuarit me vdekje mund të zgjedhin metodën e ekzekutimit nëse ata janë dënuar për krime, para se ky shtet të pranonte injeksionin vdekjeprurës si mënyrën e ekzekutimit në vitin 1992. /tesheshi.com/
