Ballkani Perëndimor duhet të bëjë një kthesë në rrugën e tij të zhvillimit dhe të kalojë nga akumulimi i kapitalit fizik në akumulimin e njohurive, tha Majlinda Bregu, Sekretare e Përgjithshme e Këshillit të Bashkëpunimit Rajonal (RCC).
Duke iu drejtuar pjesëmarrësve të Forumit të Zhvillimit Rajonal për Evropën, Unionit Ndërkombëtar të Telekomunikacionit, ajo deklaroi se gjatë vitit të kaluar, ekonomitë e Ballkanit Perëndimor ishin përgjithësisht më të suksesshëm në zbatimin e transformimit dixhital, por theksoi edhe dallimet e mëdha që ekzistojnë akoma në krahasim me mesataren e shteteve anëtare të Bashkimit Evropian.
Gjysma e familjeve nuk kanë kompjuter
“Sipas vlerësimeve të OECD, 50 përqind e familjeve në gjashtë ekonomitë e Ballkanit Perëndimor nuk kanë një kompjuter, ndërsa një e treta nuk kanë qasje në internet me bandë të gjerë. Ekonomitë e Ballkanit Perëndimor duhet të bëjnë një kthesë dhe të kalojnë nga akumulimi i kapitalit fizik në akumulimin e njohurive “, tha Bregu.
Siç shtoi ajo, aftësitë dixhitale janë një përgjigje kryesore për automatizimin e proceseve të biznesit, “dhe në këtë kuptim, së bashku duhet të bëjmë përpjekje shtesë për të mirën e qytetarëve të Ballkanit Perëndimor”. /tesheshi.com/
