Agron Gjekmarkaj, deputeti katolik i opozitës, të cilit Rama i drejtohet hera herës ironikisht si “Padre”, pretendon se Turqia apo Konferenca Islamike ku aderon Shqipëria, kushtëzon marrëdhëniet me Izraelin.
Këtë ai e tha në Komisionin e Jashtëm, aty ku bëri paraqitjen e saj kandidatja për ambasadore në Tel Aviv, Meri Kumbe.
“Marrëdhënien me konferenca Islamike na kushtëzojnë disi marrëdhëniet me Izraelin, nuk e di si do menaxhohet kjo, për të dalë mbi këtë kushtëzim që na vjen nga Turqia apo Konferenca Islamike mbi Izraelin”, tha Gjekmarkaj, duke mos ofruar ndonjë shembull konkret se kur ka ndodhur kjo.
Kandidatja Kumbe nga ana e saj tha se “në rast se do kem nderin të jem përfaqësuesja e Shqipërisë në Izrael, objektiv do të jetë zhvillimi dhe thellimi i bashkëpunimit në mbrojtjen kibernetike, biznes, bujqësi e turizëm”. /tesheshi.com/
