Një nxënëse u gjet e pajetë në një pyll pasi vuante nga një alergji nga valët e internetit Wi-Fi, sëmundje e cila ia kishte bërë jetën 15-vjeçares të mjerueshme.
Ngjarja tragjike u shënua në Britaninë e Madhe, ku 15-vjeçarja Jenny Fry vendosi t’i jepte fund jetës pasi vuante prej disa vitesh nga elektro-ndjeshmëria që i shkaktonin valët Wi-Fi.
Prindërit e vajzën shprehen për “Daily Mail” se ajo kishte pasur shqetësime që nga viti 2012, kur i filloi dhimbja e kokës dhe ndjente lodhje të tepërt.
Për ta ndihmuar Jenny-n vendosën të hiqnin nga shtëpia linjën e internetit, por kjo mesa duket nuk e ndihmoi adoleshenten, e cila duhet të duronte shqetësimet e saj shëndetësore nga interneti në shkollë.
Ngjarja e rëndë e ndodhur në qershor të këtij viti, u bë publike së fundmi nga prindërit e viktimës. Ata iu drejtuan gjykatës në Chadlington, për të nisur një hetim mbi institucionin arsimor në të cilin Jenny mësonte.
Ata akuzojnë shkollën për fundin fatal të së bijës, pasi ata kishin Wi-Fi në ambientet e shkollës dhe nuk e kishin ndërprerë./tesheshi.com/
