Nënsekretarja e Kombeve të Bashkauara për Çështjet Politike dhe Aktivitetet e Ndërtimit të Paqes, Rosemary DiCarlo tha në një seancë të Këshillit të Sigurimit kushtuar 75-vjetorit të përfundimit të Luftës së Dytë Botërore, se paqja dhe stabiliteti në Evropë nuk mund të konsiderohen të garantuara.
“Evropa nuk është imune ndaj paqëndrueshmërisë dhe ne nuk duhet të marrim paqen dhe prosperitetin në rajon si të mirëqenë. KB ka kontribuar për t’i dhënë fund luftërave brutale në Ballkanin Perëndimor në vitet 1990, por paqja dhe pajtimi i plotë nuk janë arritur ende atje.
Ndërkohë në këtë kontinent ka disa konflikte, dhe krizat në Gjeorgji në vitin 2008 dhe Ukrainë në vitin 2014 kanë treguar që një shpërthim i ri i dhunës është i mundur “, tha ajo, duke shtuar se 75 vjet pas përfundimit të luftës, jehona shqetësuese të së kaluarës ende mund të dëgjohen.
“Zërat e populizmit, autoritarizmit, nacionalizmit dhe ksenofobisë po bëhen më të forta. Ne duhet të përballemi me ata që do ta tërheqin botën në një të kaluar të dhunshme dhe të turpshme,” tha zyrtarja e KB. /tesheshi.com/
