Të sapolindurit i mjaftojnë përkëdheljet e prindërve të tij. Por më pas, me çfarë lodrash duhet ta stimulojmë fëmijën?
Në ditët e para të jetës, i vogli mezi arrin t’i dallojë ngjyrat. Duke u rritur fillon ta dallojë më mirë botën përreth, të fitojë aftësi të reja. Si ta bëjmë të interesohet rreth gjerave në këtë fazë?
Pas muajit të dytë, një lojë me rëndësi është edhe doudou, një kukull e bërë me copa të ndryshme dhe e këndshme për t’u prekur.
Dike nisur nga muaji i dytë deri në muajin e shtatë dhe të tetë, këshillohet gjithashtu të krijohet një zonë e shtruar mirë. Një hapësirë e butë dhe e mbrojtur në tokë, ku ta vendosni fëmijën. Mirë është që të shmangni krevatin, pasi fëmija mund të bjerë.
Gjithashtu, për fëmijët e moshës gjashtë deri në dhjetë muaj është edhe shporta e thesareve.
Merret një kosh me vrima, pa doreza, me fund të sheshtë dhe i lartë rreth 15 cm.
Mbushet me objekte që përdoren zakonisht nga fëmija. Meqë fëmija në këtë fazë e përdor gojën si mjet njohës, pra i shijon gjërat, është mirë që objektet në kosh të jenë të ndryshme; druri, metali, cope, të ftohta, të ngrohta, të rënda, të lehta etj.
Detyra e vetme e prindit këtu është përgatitja e vendit dhe e koshit. Të tjera lërjani fëmijës. Atij i mjafton t’ju shikojë afër.
Nëse pas disa kohësh fillon t’i përhapë gjërat nëpër shtëpi, mos u shqetësoni. Kjo është vetëm një fazë tjetër njohjeje, ku fëmija mëson t’i shohë objektet në lëvizje dhe të eksplorojë ambientin përreth. /tesheshi.com/
