Rreth 50 mijë vetë dolën në rrugët e Bukureshtit mbrëmë, për të protestuar kundër korrupsionit në vend.
Mijëra qytetarë të tjerë marshuan dje në qytetet e mëdha të Rumanisë, duke përfshirë Timishoarën, Konstancën, Baçaun, Sibiun dhe Iasin, të shqetësuar për masat e qeverisë që siç thonë ata, do ta vendoste sistemin e drejtësisë pjesërisht nën kontrollin politik.
Njëri prej tyre ishte edhe Sorin Bobis, i cili erdhi nga Kluhti i Transilvanisë në Bukuresht, për t’u bashkuar me masën e protestuesve.
“Nëpërmjet gjestit tonë, ne donim t’i mobilizonim ata (rumunët) për të dalë në rrugë dhe për të kërkuar të drejtat e tyre”, tha ai.
Udhëtimi prej 450 km, të cilin e bëri ai duke përshkuar pjesën qëndrore të Rumanisë, zgjati 11 ditë.
Bobis filloi nga Kluzh me një grup të vogël prej pesë vetash dhe përfundoi në Bukuresht me një grup prej 15 vetash.
Ai tha se arriti të përfundojë udhëtimin epik duke e ndarë atë në 11 pjesë.
Dy ditët e para, Bobis dhe grupi i tij marshuan të vetmuar, por me të përhapur lajmi ata u mirëpritën në shtëpitë e njerëzve të cilët u ofronin atyre ushqim dhe vend për të fjetur.
“Ajo që duam është ajo që dëshiron vendi, një lloj tjetër i politikës, një lloj tjetër udhëheqësish, më pak të interesuar për interesat e tyre, por më shumë të interesuar për interesin e popullatës”, përfundoi ai. /tesheshi.com/
