Pep Guardiola njihet si një trajner revolucionar që i solli klubit të Barcelonës mbi 17 tituj në sirtar për vetëm katër sezone sa qëndroi në stolin blaugrana. Mendohet se në Camp Nou, solli stilin e famshëm të Arrigo Sacchi-t, sa ishte te Milani, mirëpo koha dëshmon të kundërtën, pasi tani spanjolli ka bërë një shpikje shumë të guximshme në formacionin e tij.
Në ndeshjen e fundit përballë Olimpiakosit, trajneri i Bayern Mynih, ka vendosur një skemë mjaft interesante në formën e dy “W”, i cili e dërgoi atë drejt një suksesi, (4-0). Pep vendosi në vijën ekstreme të sulmit, Lewandowskin, Robben dhe Coeman, ndërkohë Douglas Costa dhe Muller kanë luajtur rolin e sulmuesve të rrejshëm. I vetmi futbollist që ishte pjesë e përbërjes në mesfushë, ishte kiliani Vidal.
Këtë model të lojës e kishte aplikuar edhe gjatë kohës sa drejtonte Barcelonën, mirëpo mesfushorët ishin të shumtë në numër (Busquets, Xavi, Iniesta, Thiago dhe Cesc), ndërkohë Messi luante rolin e sulmuesit të rremë.
Ky modul i lojës mendohet të jetë shpikur nga Herbert Chapman, ish trajnerin e Arsenalit, i cili ishte revolucionar i futbollit modern. Me disa ndryshime, Guardiola ka përsosur stilin e tij të lojës./tesheshi.com/
