Kur flasim për teknologji, shpeshherë vëmë në dukje faktin se zhvillimi i fuqisë llogaritëse të memories së pajisjeve tona nuk është shoqëruar me një zhvillim analog të baterive.
Një iPhone 5 i zakonshëm ka fuqinë llogaritëse të një superkompjuteri të 1985-s, por nuk mund të thuhet e njëjta gjë për kapacitetin e baterisë. Ato nuk kanë patur rritje në fuqinë e tyre, përkundrazi, kanë mbetur po ato.
Rritja e kohëzgjatjes së një baterie është më shumë si pasojë e zvogëlimit të konsumit energjik të pajisjeve. Ky është kthyer në një problem për konsumatorët, të cilëve u duhet t’i karikojnë telefonat e tyre pothuajse çdo ditë.
Megjithatë, një kërkues nga Ukraina pohon se ka gjetur një mënyrë për të bërë hapa gjigandë në sektorin e baterive, duke ideuar një bateri e cila mund ta furnizojë një smartphone për 12 vite me radhë pa patur nevojë për rikarikim.
Valadislav Kiselev, një kërkues i Institutit të Kimisë Bio-Organike në Kiev, ka paraqitur një prototip në konkursin ndërkombëtar të projekteve Sikorsky Challenge.
Sekreti i baterisë së Kiselev-it është se ajo nuk mbledh energji, por gjeneron, duke shfrytëzuar një izotop hidrogjeni.
Megjithatë, pikëpyetja qe mbetet është se si do të vihet në zbatim diçka e tillë, duke patur parasysh se izotopi i përdorur është mjaft i rrallë në natyrë, e për pasojë kushton shumë. /tesheshi.com/
