Kësaj radhe po ju mësojmë si të bëni vetë karamele kundër kollës dhe fytit të acaruar. Këto janë mbi të gjitha shumë të përshtatshme për fëmijë të cilët e dimë sa shumë i urrejnë shurupërat, çajërat apo mjaltin, nëse ua jep ashtu siç janë. Ja si t’i bëni të ndërrojnë mendje.
Këtë gjë mund ta bëni të gjitha pa përjashtim në shtëpi me shpenzimet e zakonshme.
Receta:
1 filxhan kafeje me sheqer të kuq (jo të bardhë)
3/4 filxhan me mjaltë organik
1/4 ujë ose çaj (çfarëdo lloji çaji që është i mirë kundër gripit/kollës/ftohjes: xhinxher, gjethe delli etj).
1 lugë gjelle me vaj kokosi (e gjeni tek Bimë Mjekësore)
Shtoni edhe 2-3 lugë gjelle me lëng limoni të freskët, pak kanellë, xhinxher të grirë imët.
Në fund fare shtoni 5 pika vaj esencial menteje, eukalipti ose rigoni.
Përgatitja:
Si fillim në një tenxhere të vogël përzieni sheqerin me ujin / çajin dhe mjaltin. Vëreni në ngrohëse shumë të avashtë (duhet shumë kujdes me ngrohtësinë pasi mjalti në nxehtësi i humbet vlerat).
Gjithashtu kujdesuni që sheqeri të tretet mirë dhe e gjithë masa të bëhet kompakte. sapo ta shihni që e keni arritur këtë, hiqeni nga zjarri. Pasi ta keni hequr nga zjarri shtoni limonin, xhinxherin dhe pikat e vajit esencial./tesheshi.com/
