Siç bëhet e ditur, më së paku 33 turistë që u detyruan ta kalojnë natën të bllokuar në teleferikë në alpet franceze janë shpëtuar.
Ata ishin mes 110 personave të bllokuar fillimisht pasditen e së enjtes nga ndalimi i teleferikëve.
Një pjesë e tyre u shpëtuan nga helikopterët, ndërsa tridhjetë të tjerë u zbritën me litarë në orët e mbrëmjes të së enjtes.
Për shkak të rënies së errësirës, 33 turistë, mes të cilëve një dhjetëvjeçar, do të mbeteshin për tërë natën në teleferikë.
Atyre u janë dërguar megjithatë batanije, ushqime e ujë, duke ruajtur komunikimin e vazhdueshëm me ta.
Në operacionin e ndërlikuar të shpëtimit morën pjesë ekipe franceze, italiane dhe zviceriane, të ndihmuara nga tre helikopterë.
Incidenti ndodhi në Mont Blanc, në një lartësi rreth 3.800 metra, dhe mendohet që kabllot e teleferikëve të jenë ngatërruar me njëri-tjetrin për shkak të erërave të fuqishme. /tesheshi.com/
