Është në kohën më të mirë të rinisë, por e sprovuar nga një sëmundje e cila kërkon shërim të shpejtë dhe jashtë vendit. Kjo është Manolja Kabashi, 20 vjeçe nga Prizreni, studente e vitit të dytë në Fakultetin e Ekonomisë.
Ajo po lufton me sëmundjen e lekuemisë akute, ku për shërimin e saj duhet një shumë e madhe e parave që për familjen Kabashi është e papërballueshme. Shërimi i Manoljës kushton 100 mijë euro dhe duhet të bëhet jashtë vendit, në Turqi.
Manolja ka udhëtuar për t’u shëruar pikërisht atje, por ajo pret ndihmën e të gjithë shqiptarëve kudo që janë.
Portali tesheshi.com, kontaktoi me babain e Manoljës, i cili bëri apel të gjithë shqiptarëve vullnetmirë që të ndihmojnë në shërimin e vajzës së tyre.
“Lusim të gjithë qytetarët me vullnet të mirë, që sado pak që kanë mundësi të na ndihmojnë me aq sa kanë për shërimin e vajzës tonë. Ju jemi mirënjohës të gjithëve që po mundoheni për Manoljën në ditët më të vështira të jetës së saj. Po presim me padurim ditën që ajo të kthehet në mesin e shoqërisë dhe familjes. Faleminderit!”, thuhet në apelin e babës së Manoljës.
Ndërsa vetë Manolja, ka gjithashtu një mesazh për të gjithë që ta ndihmojnë atëm, të bëhen shkak që ajo të shërohet dhe të kthehet pranë familjes, studimeve dhe shoqërisë.
“Ju lus për ndihma të gjithëve që kanë mundësi, mos të harrojmë që jeta është shumë e shkurtër dhe kurrë nuk i dihet çka po na pret nesër”, thuhet në mesazhin e Manoljës.
Përgatiti: Shkëlzen Rrecaj – /tesheshi.com/
