Gjykatësi i procedurës paraprake i ka caktuar masën e paraburgimit 30 ditor Abdylfeta Alimit, i akuzuar për “ mosveprim” si anëtar i shërbimeve të sigurisë në Kuvend gjatë incidentit të 27 prillit.
Sipas akuzës, Alimi ka dhënë çelësat e dyerve të Kuvendit. Por nga ana tjetër, Alimi është ai që e shpëtoi deputetin Ziadin Sela nga turma e revoltuar.
Mbrojtja e Alimit bëjnë të ditur se ai akuzohet për “mosveprim” në detyrë zyrtare natën e 27 prillit në Kuvend dhe jo për bashkëpunim me personat e dyshuar për krim të organizuar.
Duke pasur parasysh faktin se Alimi ndodhej jashtë vendit më 28 nëntor, kur edhe u bastis shtëpia e tij, mbrojtja masën e paraburgimit e quan si të pabazë për tre arsye mbi të cilat edhe do të ankimojë në Këshillin Penal. /tesheshi.com/
