Ish-ministri Ilir Beqja i kërkoi qeverisë që të shoh mundësinë e shtimit të tre ditëve pushim në fundjavë në kushte sezoni, duke shtuar të premten dhe të hënën, pasi siç tha ai, kështu do mund të ndihmohet ekonomia.
“I kërkoj qeverisë nga sot deri në 14 shtator kur fillon shkolla janë 9 javë, të mund të marrë në konsideratë që në 2 ose 3 fundjava ta bëjë ditë pushim edhe një të premte dhe një të hënë, që njerëzit të kenë mundësi për më shumë alternativa, të mos mbivendosemi të gjithë në gusht dhe te shlodhemi edhe ndihmojmë ekonominë”, tha njeriu që deri dje drejtonte shëndetësinë.
Beqja tha se në rrethanat ku ndodhemi, si pasojë e krizës COVID-19, njëherësh epidemiologjike dhe ekonomike, shqiptarët do mund të vizitojnë shumë resurse të vendit të tyre, mundësuar dhe na programi i rilindjes urbane.
“Pra, nëse mund të shpallim tre fundjava, njerëzit mund të programojnë punët dhe prenotimet“, tha ai në foltoren e Kuvendit. /tesheshi.com/
