Është thelluar bilanci tragjik i shpërthimit në Lushnjë, pasi një tjetër jetë është shuar nga radhët e të plagosurve. Për ironi fati, viktima nr. 2 është i biri i viktimës nr. 1, vinçierit Roland Verçani. I riu ka qenë në vinç me të atin kur aksidentalisht u prek linja e tensionit të lartë që çoi në shpërthim. Ai po dërgohej drejt Traumës në Tiranë teksa ka humbur jetën rrugës.
Pra, dy jetëhumbje nga një familje.
Më herët, shefi i Urgjencës, Skënder Brataj tha se i riu kishte djegie të rënda në fytyrë dhe ishte futur në intubim. Ndërkohë, edhe dy të tjerë janë në gjendje të rëndë dhe janë dërguar drejt spitalit të Traumës në Tiranë. Mes personave që janë dërguar drejt Traumës është dhe deputeti socialist, Bujar Çela. /tesheshi.com/
