Së paku 20 persona u vranë dhe dhjetëra të tjerë u plagosën këtë të enjte në një kamp refugjatësh pranë kufirit turk, raporton Yeni Şafak duke iu referuar agjencisë së lajmeve Anadolu Agency.
Burimet kanë bërë të ditur se sulmi mbi kampin e refugjatëve të Atmesë, në Idlib, në pjesën veriperëndimore të Sirisë, u krye gjatë ndërrimit të patrullave të Ushtrisë së Lirë Siriane.
Faqja elektronike e gazetës turke thotë se ISIS-i e ka marrë përgjegjësinë për sulmin.
Kampi nuk është pjesë e rajonit të mbuluar nga operacioni “Mburoja e Eufratit,” i nisur nga forcat luftarake turke, e që synon eliminimin e kërcënimeve terroriste përgjatë kufirit të Turqisë.
Observatori Sirian për të Drejtat e Njeriut e raporton gjithashtu incidentin, duke njoftuar se së paku 20 kryengritës u vranë në një shpërthim në kalimin kufitar me Turqinë.
Grupi monitorues flet dhe për 20 të plagosur. /tesheshi.com/
