Pas shpërthimit të bombolës gjatë mbrëmjes së djeshme në Pogradec, sot raportohen që 9 nga 23 personat e plagosur, të ndodhen në gjendje të rëndë shëndetësore. Lajmi është konfirmuar nga vetë shefi i pavionit të djegieve në QSUT, Gjergji Belba.
“Dje janë paraqitur 23 pacientë, midis tyre 9 janë shtruar në terapinë intensive në gjendjen më të rëndë, 8 në pavion në gjendje të mesme, dhe gjashtë në gjendjen më të lehtësuar. Flasim për djegie të gradës së tretë kryesisht, janë të thella dhe që kanë prekur pjesë kritike, duar e fytyrë. Jemi duke bërë gjithë ekzaminimiet për momentin e kemi të stabilizuar 14-vjeçarin që është në gjendje më të rëndë”, ka bërë të ditur Belba.
Ai ka shtuar se aktualisht nuk mund të dërgojnë për mjekim më të mirë shëndetësor jashtë shtetit, asnjë prej të plagosurve, duke qenë se fillimisht duhet të stabilizohet gjendja e tyre shëndetësore. /tesheshi.com/
