Rreth 25 kilometra tutje kryeqytetit sirian, zona pranë aeroportit është tronditur nga shpërthime të fuqishme në orët e para të kësaj të enjteje.
Sipas asaj çka raporton Al Jazeera, një sërë sulmesh ajrore izraelite kanë goditur një depo armësh të Hezbullahut libanez, një aleat i regjimit sirian.
Përndryshe, agjencia e lajmeve Reuters thotë se depoja e armëve e vënë në shenjë mbante në të armatime të dërguara rregullisht nga Teherani.
Një televizion i Hezbullahut, Al-Manar, pohon po ashtu se shpërthimet mund të jenë shkaktuar nga një sulm ajror izraelit.
Drejtuesi i Observatorit Sirian për të Drejtat e Njeriut, Rami Abdurrahaman, tha se shpërthimet u dëgjuan në tërë Damaskun.
Nga shpërthimet pretendohet të ketë vetëm dëme materiale, e jo në njerëz. Goditja e objektivave pranë Damaskut nuk është diçka e re për Izraelin, që edhe më herët ka bërë kështu në një numër rastesh. /tesheshi.com/
