Siç lajmëron Al Jazeera, së paku shtatë persona janë vrarë pas një serie shpërthimesh që kanë goditur Xhakartën, kryeqytetin e Indonezisë.
Gjashtë shpërthime kanë ndodhur në qendër të qytetit, e veç kësaj ka patur shkëmbime zjarri mes forcave të sigurisë dhe një numri njerëzisht të armatosur. Mes të vdekurve janë më e pakta katër prej të armatosurve, një polic dhe një qytetar holandez, që punonte për Kombet e Bashkuara.
Një raportues nga Xhakarta i ka rrëfyer Al Jazeera-s se gjashtë persona të armatosur kanë hyrë me motoçikleta në zonën qendrore të qytetit dhe kanë gjuajtur në turmën e njerëzve, ndërsa ca prej tyre mbanin lëndë shpërthyese. “Një prej të armatosurve do të qëllonte nga afër mbi një punonjës policie,” ka treguar ai.
Teksa situata është ende e paqartë, policia ka rrethuar dhe ka bllokuar zonën qendrore të qytetit. Askush nuk e ka marrë deri tani përgjegjësinë për sulmin. Të shtënat vazhdojnë ende, e po ashtu dhe operacionet policore. /tesheshi.com/
