Një turist ka humbur jetën si pasojë e shpërthimit të një vullkani në ishullin italian të Strombolit, bëjnë të ditur mediat vendore.
Rajoni ku ndodhet vullkani është një destinacion i famshëm udhëtimi, ku turistët shpesh ngjiten në lartësinë 924 metra për të parë kraterin që vazhdimisht është aktiv me shtëllunga tymi. Mbetet e paqartë nëse dikush ishte pranë kraterit në kohën e shpërthimit.
Shërbimet emergjente u aktivizuan menjëherë pas incidentit dhe filluan evakuimin në ishull.
Turistët, të tmerruar nga hiri që ngrihej në qiell, u hodhën në det, thanë agjencitë e mediave italiane.
Sipas të dhënave gjeologjike, vullkani i Strombolit është aktiv prej kur kanë filluar regjistrimet. Romakët e quajtën atë “farin e Mesdheut”.
Ishulli ishte vend xhirimi i filmit të njohur me aktoren Ingrid Bergman, dhe qysh në vitin 1950 ka fituar mjaft vëmendje për t’u bërë destinacion i të pasurve dhe të famshmëve. /tesheshi.com/
https://youtu.be/vIRCLL1RVQo
