Një shpërthim këtë mëngjes në vendparkimin e prefekturës së Adanasë, një provincë në jug të Turqisë, u ka marrë jetën dy personave e ka plagosur 21 të tjerë.
Sipas raportimeve të para, një makinë e mbushur me lëndë shpërthyese është hedhur në erë në vendparkimin e institucionit.
“Sulmi besohet të jetë kryer nga një terroriste femër,” mësohet të ketë thënë prefekti i Adanasë, Mahmut Demirtash.
Krahas viktimave, janë dëmtuar ndërtesat përreth vendit të ngjarjes, si dhe një numër automjetesh.
Ende nuk ka një përgjegjësi të marrë për sulmin.
Zëvendëskryeministri Numan Kurtulmush e dënoi menjëherë sulmin, duke premtuar se Turqia nuk do t’i dorëzohet terrorizmit.
PKK-ja dhe ISIS-i janë dy prej organizatave që dhe më herët kanë kryer sulme të tilla në Turqi.
Ngjarja e sotme është më e fundit në vargun e një numri të gjatë incidentesh të tilla në më shumë se një vit në këtë vend. /tesheshi.com/
