Tre persona kanë gjetur vdekjen pranë kufirit siriano-turk si pasojë e një shpërthimi të një automjeti, njoftojnë mediat turke. Shpërthimi ndodhi brenda një makine që ndodhej 750 metra larg institucioneve lokale të provincës Rejhanli.
“Është e qartë se ka pasur një bombë brenda automjetit”, tha presidenti turk Rexhep Tajip Erdogan në një konferencë për gazetarët.
“Të dhënat e para flasin se sulmi lidhet me terrorizmin”, tha ai.
Në vitin 2013, dy sulme me bombë në Reyhanli vranë 52 vetë, në mesin e tyre shumë refugjat sirian. Turqia fajësoi agjencinë e inteligjencës shtetërore të Sirisë për sulmin.
Turqia u godit gjithashtu nga një valë sulmesh në vitin 2015 dhe 2016, ku prapa tyre thuhej se qëndronin ekstremistët e ISIS-it dhe militantët kurdë. /tesheshi.com/
