5 persona janë plagosur, disa prej të cilëve ndodhen në gjendje të rëndë. Ky është bilanci i dy shpërthimeve të njëpasnjëshme që përfshinë aeroportin ndërkombëtar të Pudongut në Shangai të Kinës.
Armët shpërthyese, të cilat ishin artizanale, janë gjetur të fshehura në dy valixhe. Shpërthimi ndodhi në afërsi të check-init në terminalin dy. Sipas policisë, një burrë rreth të 30-ave hodhi në ajër një shishe të mbushur me eksploziv.
Pas shpërthimit të dyfishtë, burri nxori një thikë dhe u vetëplagos. Në gjendje shumë kritike për jetën, ai u dërgua në spitalin Pudong bashkë me personat e tjerë që u plagosën si pasojë e shpërthimit. Mes të plagosurve ishte një grua 53-vjeçare me origjinë nga Filipinet, një burë 67-vjeçar dhe një grua 64-vjeçare, të dy kinezë. Të gjithë kanë pësuar dëmtime në kokë, këmbë e duar.
Ngjarja ka ndodhur rreth orës 14:20 me orën lokale (08:20 me orën tonë). /tesheshi.com/
