Një shpërthim misterioz ka ndodhur në fabrikën e armëve në Mojkovac të Malit të Zi, ku janë plagosur dy punëtorë.
Fabrika “Tara” prodhon municione për eksport dhe Ministria e Mbrojtjes nuk ka dhënë asnjë detaj mbi shkaqet e shpërthimit.
Siç bën të ditur televizioni publik i Malit të Zi, “Një zjarr ka shpërthyer si pasojë e përzierjeve të lëndëve të rrezikshme që kanë shkaktuar plagosjen e dy personave”.
Një mjek i spitalit të Podgoricës bëri të ditur se djegia e punonjësve ka qenë e shkallës së tretë.
Nuk është hera e parë që në fabrikën “Tara” ndodhin incidente të tilla. Shpërthime të ngjashme kanë ndodhur në vitin 2014 dhe 2015 kur gjithashtu ka pasur të plagosur. /tesheshi.com/
