Shpërthim i fuqishëm në një ndërtesë shkollore në qytetin suedez Karlstad. Edhe pse shumë persona kanë dëgjuar zhurmën e shpërthimit, ende nuk është përcaktuar origjina e tij. Shpërthimi është dëgjuar në disa zona dhe pjesë të qytetit. Re të mëdha tymi janë ngritur nga çatia e shkollës.
“U dëgjua një zhurmë shumë e fortë. Menduam se ishte një bombol që shpërtheu”,- tha një prej mësuesve që ndodhej në dhomën e personelit, brenda ndërtesës, në momentin që ndodhi ngjarja. Origjina e shpërthimit ka qenë brenda shkollës. Studentët dhe mësuesit janë evakuuar në mënyrë të menjëhershme.
Autoritetet dhe shërbimi i shpëtimit janë ende në dyshim në lidhje me incidentin, pasi pavarësisht zhurmës së fuqishme, nuk ka të dhëna të dukshme për një shpërthim të mundshëm. “Nuk ka gjurmë në asnjë vend. Asnjë person nuk është plagosur apo lënduar dhe nuk kemi asnjë të dhënë për momentin, që të na orientojë në origjinën e ngjarjes”,- ka thënë për mediat vendase Christine Holmberg.
Gjithmonë sipas mediave lokale, policia është duke hetuar në lidhje me mundësinë se diçka mund të jetë manipuluar nga jashtë shkollës. Dy burra të veshur me të zeza janë parë duke vrapuar në momentin e ngjarjes. Policia është në kërkim të të dyshuarve. /tesheshi.com/
