Më vonë u sqarua se bëhej fjalë për një bombul gazi, por shpërthimi i ndodhur paraditen e së hënës në zonën e ish-Bllokut në Tiranë ka ngjarë me ngjarë me një bomë të vërtetë.
Bombula ka shpërthyer në një dyqan eventesh, por që e ka pasuar rëndë fqinji, një argjendari. Pasojat në njerëz kanë qenë katër të plagosur.
“Rreth orës 13:15 në rrugën “Vaso Pasha” në ambientet e një dyqani eventesh ka shpërthyer një bombul gazi.
Si pasojë e shpërthimit janë dëmtuar shtetasit S. P dhe A. P, E. N dhe D.S të cilët u dërguan në Spital për ndihmë mjeksore.
Grupi hetimor ndodhet në vendngjarje dhe po vijon punën për sqarimin e rrethanave të ngjarjes”, thuhet në një njoftim zyrtar të Policisë.
Ngjarja shkaktoi panik, pasi bëhet fjalë për një ndër zonat më të populluara të Tiranës, ku më parë kanë ndodhur dhe vrasje mafioze. /tesheshi.com/
